خلينا نحلم ببكره بقلم : ماجدة سليمان

خلينا نحلم ببكره بقلم : ماجدة سليمان
فين البراءة فين ..
فين النقاء فين ..
النفوس اتلوثت ..
والقلوب الصافية اتغيرت ..
اتبدلت .. اتخنقت ..
خنقها الدخان ..
وكل ذكرى حلوة ..
كانت زمان ..
كانت وكان الحلم بالأمان ..
ليه يادنيا ؟
كل حاجة حلوة كانت زمان ..
ليه الألم .. ليه الندم ..
ليه اتبخر السلام ..
ليه الجامعة بقت فرقة وخصام ..
وسيجار أمريكي يعمل أزمة ..
وتضيع القضية وسط الدخان ..
ونضيع أنا وانت وهي ..
نضيع وسط الضباب ..
وكان الأمل في الجامعة ..
لقيناها فرقة جوا قلوب مصدية ..
وعذابات شعوب تفضل زي ما هي ..
وزعماء صلاحيتها منتهية ..
تحكمنا من غير ديمقراطية ..
ونعيش كلنا بكرامة ملغية ..
نعيش وسط الرماد جوانا بركان ..
نفسنا نحطم الحدود نتخطى المكان ..
نساعد أطفال فلسطين والضفة والجولان ..
والناس في وادي والزعماء في فرقة وخصام ..
خلينا نحلم ببكرة ..
نحلم بفارس الفرسان ..
ييجي شايل حلمنا فوق حصان ..
ييجي يحرر أرضنا ..
من الأمريكان ..
مادام الواقع مر ..
خلينا نحلم كمان وكمان ..

عجبي على الأغنية العربية بقلم ماجدة سليمان

عجبي على الأغنية العربية بقلم ماجدة سليمان
عجبي على الأغنية العربية
كلميني يا أمه واحكيلي ع اللي كان ..
فكريني يا أمه بالعروبة اللي اتنست من زمان ..
كلميني عن القومية وفكريني بالوحدة الوطنية ..
واحكيلي يا أمه عن حرب ثمانية وأربعين ..
واللي حصل في فلسطين ..
غنيلي يا أمه فدائي عبد الحليم ..
وفكريني يا أمه بأم كلثوم ..
وقوليلي يا أمه ليه العود اتنسى ..
والغنوة بقت فرفشه ورقص ومحلسه ..
ليه رضينا نكون نص نص مع نانسي ..
واتمنينا نطلع الروف مع بوسي ..
ولو عاوز تعرف تعالى لتينا ..
بقمصان النوم والفساتين عريانه ..
وبص وشوف واسهر شويه معانا ..
ومهما رحنا ولا جينا ..
هنلاقي شمس مستنيانه ..
وقول كلام غير ده ودلع نفسك ويانا ..
ومع روبي هتلاقي سبع ورقات كوتشينه
خدها والعب مع ماريا ..
ومع الحليب والكورن فليكس
هتلاقيها في البانيو مستنيه ..
وبراحة على ديرو شويه ..
دي مش حمل أسيه ..
وياسلام على لوسي ..
دي مؤهلاتها طبيعيه ..
ويامغير حالي آدي اللي جرالي ..
بالرقص تحلا الأغنيه ..
وأنا والشوق يطول ليلي ..
ومريام كلها حنيه ..
البطن مكشوفة ومش مكسوفه ..
وتنكسف ليه ..
دي مؤهلات مطلوبة للقنوات الفضائية ..
وعجبي على الأغنية العربية ..

هنــــــــــاك

حملت فؤادي الصغير .. وعمري وارتحلت

ذهبت إلي أبعد مدى .. ولكل الأقاويل تحديت

تركت لنفسي العنان .. وبعدت أكثر وتماديتت

جاهلت خوفي وألمي وكل الأحزان هنااااااك

هناك حيث لا حدود لواقع أو خيال تخطيت

هناك حيث لا مكان ولا طريق للعوده سكنت

وأقمت صروح أوهامي .. وتخيلت وتخيلت هنا

كهناك .. حيث تشرق شمسي أينما حللت

حيث قمري يرافقني كصديق معه نميت

هناك .. حيث أبكي الآن كلما تذكرت

عشت كل أحلامي وبأيامي ارتضيت

وما سألني قلبي الصغير ولا أنا سألت

ولا استرحمنى عمري ولا أنا رحمت

وغفوت وظني أني وجدت بدايتي

وصحوت لأجد أنني .. قد انتهيت!

ان تحب

أن تحب ..
أن تحب.... هو أن تحيا

أن تجد دنياك أحلى .. رغم المصاعب والخطوب

أن تشعر بابتسامه بين الدموع تجوب

أن ترى الدنيا نهار في ضوء شمعه تذوب

أن تحب ...هو أن تحيا

أن تجد دنياك أحلى .. رغم المصاعب والخطوب

أن يشرق قلبك باسما .. وعيناك ترى الغروب

أن تعرف أين الطريق .. ولو تعددت الدروب

أن تحب ... هو أن تحيا

أن تجد دنياك أحلى .. رغم المصاعب والخطوب

أن تشعر بالأمان .. ولو امتلأت الدنيا حروب

أن يملأ قلبك النور .. فحب الله نور القلوب

أن تحب ... هو أن تحيا

أن تجد دنياك أحلى .. رغم المصاعب والخطوب
***************
الخطوب : جمع خطب وهي المصائب

وقــفه مــع النفــس

وقــفه مــع النفــس

أيا كان اسمك ... أيا كان مكانك أو مكانتك

أيا كان تاريخك أو حاضرك

لنقف معا .. وقفه مع النفس

هل توافق؟حسناانظر للخلف قليلا ذاك هو تاريخك وماضيك

هل أنت راض عنه؟

هل النقطه التي تقف عندها الآن .. هي ما كنت تريد؟

هل غلبت الأيام أم غلبتك؟

كم من الأحلام تحقق ؟ وكم منها نسيته أو تناسيته ؟

وكم منها بات مستحيل تحقيقه ؟

هل أنت راض عن مكانك الآن؟

والآن إعتدل في وقفتك من جديد؟ولتنظر للأمام

تخطى حاجز الزمن .. وتخيل أنه مر 5 سنوات .. والأعمار بيد الله

لكننا نتخي لكيف ترى نفسك بعد 5 سنوات من الآن ؟

هل النقطه التى تقف عندها الآن تصلح لأن تكون أساس لما تريده في المستقبل؟

أنت الآن تقف هناك وقد مر 5 سنوات هل حققت ما كنت تتمنى ؟

هل أنت نادم على شئ؟هل ضاع منك الوقت والعمر سدى ؟

الآن لنعد للنقطه التي تقف عندها

خلفك الماضى وأمامك المستقبل إن شاء الله

أما الماضى فلا تندم عليه .. فقد مضى ولا تقلق فكلنا نخطئ

فقط حاول أن لا تكرر نفس الأخطاء .. وحاول أن تتعلم منها

لا تقلق لديك بعض الوقت حتى وإن كان ثانيه

يكفي أن نيتك .. هي أن تكون أفضل وأما المستقبل .. فاجعل كل ما تريده فيه أمامك

وحاول أن تسعى إليه جاهداوتأكد أن الله يساعد من يساعد نفسه

الآن أيا كان مكانك وأيا كان ماضيك وأيا كانت أخطاءك

أيا كان ما يحمله قلبك من نور أو ظلام فلا يهم فأنت الآن في نقطه بدايه

تخيل أنك الآن ولدت من جديد

فقط الفرق بينك وبين الطفل الوليدأنك تحمل بعض التجارب والخبرات .. تحمل رصيد من الحياه

ذلك الرصيد يمنحك بعض القوة لتستمريجعلك لا تكون لينا فتعصر

ولا صلبا فتكسر وستبدأ من الآن بدايه جديده بدايه تصنعها بنفسك .

تحاول فيها أن تكون كما تحب وكما ترضى لنفسك أن تكون

حتى إذا مرت ال 5 سنوات ووقفت هناك

وقتها تنظر لماضيك وأنت مبتسم وراض

فأنت لم تفعل ما يجعلك تخجل أو تندم سعيت واجتهدت .. حتى إن أخفقت

يكفيك شرفا أنك قد حاولت تلك هي رحله الحياه نحتاج فيها من وقت لآخر .. أن نقف .. لنعلم أين نقف

هل نقف على الطريق السليم .. فنكمل مسيرتنا أم نقف في طريق خطأ .. دفعتنا إليه عوامل خارجيه أو داخليه

رغما عنا فنسرع جاهدين لنغير الطريق ولنكمل رحلتنا في الحياه ...

متخذين الطريق الذي نرضاه لأنفسنا*********

إغسل قلبك

بوست جديد في مدونه تأملات قلب تفضل هنـــــــــــــــا

البنوتات الثلاثينيات بوست جديد في مدونه كلام البنات هنـــــــــــــــــا

ايه يعنى

ايه يعنى
ايه يعنى ميه فاسده ......... ايه يعنى اكل فاسد

وفيها ايه لما يكون الهوا فاسد........ ولا حتى الدوا فاسد

دا انتو فعلا شعب طماع ......... عايز كل حاجه وبالاجماع

ما انت كده كده هتموت .......... يعنى اخرك تابوت

ليه بقى تعلى الصوت............... وتقول ان الفساد هو اللى هيخليك تموت

زمان كانت الحكومه بتدور عالناس ...........مين افتقر ومين انداس

لكن زمننا فيه الحكومه على راسها ميت قرطاس

مفيش ضمير مفيش احساس

نام يا مصرى ( نقلا عن مدونة واحد من البلد دى )

نام يا مصرى

نام يا مصرى مصر مش عايزة تناديك
ياللى فقر الدنيا أصبح لك شريك
ياللى كان دائك وفائك والكرامة وكبريائك الحشيش والبانجو ساقك
كبريائك مات خلاص البركة فيك
نام يا مصرى مصر مش عايزة تناديك
ياللى دايما كنت رافع بالسلاح أيدك لفوق
بالبنادق والمدافع خليت العالم يفوق
النهاردة سهل جدا تحكمك حتة حشيش
الشيوخ فوق مالطة تدن والشباب مابيختشيش
رقصة بلدى ورقصة تانجومرة خمرة ومرة بانجوواللى م الدوامة ينجو يربى دقنه ويعاديك
نام يا مصرى مصر مش عايزة تناديك
فصلوا دستور مقاسهم يلبسوه بس الكبار
وأنت تحت نعال مداسهم قلت أه زى الحمارقلت أه ولا حد همك مين يدوس فوق وش مين
هما يقروا الفاتحة وأنت كل حرف تقول أمين
أنت عارف بس صام
تحتى بطنك لما صامت كان حزامك فوقها قامط للزراير يشتكيك
نام يا مصرى مصر مش عايزة تناديك
مين بيفهم فى السياسة؟لا الافندى ولا المدام المهم الماتش إمتى؟والنتيجة كام لكام؟
والعشا فين النهاردة وفى المسلسل عملوا إيه ولعيب الكورة الفلانى ساب ناديه فى الدورى ليه؟
كله بيهلوس وهايصوإنت يا أبن المصرى لايص
جوه مسرح العرايس والخيوط رابطة فى إيديك
نام يا مصرى مصر مش عايزة تناديك
كنت لما تقول معارض ألف واحد كان يخاف
بعت صوتك فى المعارض وأستغطيت باللحاف
قول نعم.حط العلامة .وأوعى تقرا فى يوم كتابهما عايزينك نعامة دافنة راسها فى التراب
والطاووس جنبك يخطى بصمجى.ويقول داخطى وإنت لما رضيت توطى شوف بقى اللى ح يجرا فيك
نام يا مصرى مصر مش عايزة تناديك
ياللى عايش ع الحضارة وكام هرم على معبدين
يا ابنى دول حبة حجارة إنت فين والناس دى فين إنت جدك يعنى خوفو و الا خالك أخناتوندا
انت مابتعرفش تعمل حتى سوستة بنطلون روح ل(ينى)إملا الإزازة والحياة أخر لزازة دا
انت يا ابنى مالكش عازة زى فرخة ناقصها ديك
نام يا مصرى مصر مش عايزة تناديك
ويقولولك مصر أكتر حد راعى للسلام
وإحنا زى حمار فى كارو عربجيها العم سام
اللى بيفكر يخالفه أو يقوله حتى ليه؟ تبقى ليلة أمه كحلى والمعونة تضيع يا بيه
إمشى تحت أوامره بس مرة (شى)أو مرة(هس)وإن طلعلك مرة حس يبدأ التفتيش عليك
نام يا مصرى مصر مش عايزة تناديك
شفت واحد مرة قالى يا ابنى ماتبطل عويل
انت ناسى نجيب بتاعنا والنوبل وأحمد زويل
قلتله الأول أخدها بقصة ساء فيها لديانته
وعمك أحمد إيه عملك لما جاب للثانية فمتووالنبى إتخيب بخيبتك
ياللى مش عارف نصيبتك
دا انت من صغرك لشيبتك لقمتك دى خسارة فيك
نام يا مصرى مصر مش عايزة تناديك
والنبى انا باكتب قصيدتى ودمعة نازلة من عيونى
أصلى مصرى وكل خيبتى إن أهلى علمونى إنى لو شفت الحقيقة فى مرة وأسكت أبقى شوشو
وإن قدرك لو يجيلك قولى مين عنك يحوشو
ياللى مستغرب لحالى قوللى بالله يا ابن خالى لما سيد يبقى سالى طب منين الخير يجيك
نام يا مصرى مصر مش عايزة تناديك
نقلا عن مدونة واحد من البلد دى

من مدونة تمر حنه ( رأى عجبنى جدا )

سايقة عليكوا النبى .. سيبونا نروَّح

ماذا لو دارت عجلة الزمان إلى الوراء ؟؟ و قٌدر لكى أن تختارى زمنا ما للتوقف عنده.... تُرى أى زمن أيتها المرآة ستختارين و لماذا ؟؟؟ سؤال سُئلته و طُلب منى الأجابة عليه .....يا سلاااااام لو عدت .. فسأختار وبلا تفكير العودة إلى عصر الحريم ... و سأختار أن أكون السلطانه ...لا ست الدكتورة ولا الباشمهندزة ...مالها مولاتى؟ مالها ست الكل؟أنا و للآن مش فاهمة الغرض من نزولنا الشوارع و معاملتنا معاملة الرجالة ؟؟ هى دى المساواة؟؟ طب و ليه ؟ و هو احنا كنا أقل من الرجالة عشان نطالب بالمساواة معاهم؟

كل واحد عنده مجاله و مضماره .. فالمرأة " المفروض يعنى" هى الحته الحلوة فى الأنسانية .. لها مقومات بيولوجية و نفسية و آنسانية متميزة تماما عن الرجل .. مين بس معتوه بيطالب بالمساواة؟؟ هى المرأة يعنى لم تنقش بحروف من كهربة فى التاريخ ؟؟ و دورها الأزلى فى رفعة الأوطان هامشى؟لآ واضح تماما ان نزول المرآة فى حلبة الرجال حسّن من وضعها و رفع من شأن البلاد ... واضح !!كل اللى حصل كمية لخبطة و قلب موازين مالهاش حل .. لا الرجالة ارتاحت ..ولا الستات هبطت..فبعد ما كنا هوانم بنستخدم هودج للأنتقال أصبحنا بنركب ميكروباصات و توكتوك ,,

بعد ماكان اللى يرفع عينه عالبلكونة عشان يطل طلة ياخد علقة موت .. أصبحنا موديلز و اللى مايشترى يتفرج .. شفافية.زمان كانت الحرة حرة و العرة عرة .. كان فيه فرق .. دى هانم .. ودى ..... دلوقتى موضوع التفرقة بين الصنفين محتاج مجهود مرعب ..زمان كان الرجل فى حياة الست له وضع تانى ..

مش عشان هو اللى بيصرف .. لأ .. عشان كان هو السند و الضهر و الأمان الحقيقى .. فكان من حقه ياخد المقابل من احترام و محبة و تقدير يمنعة من التصرف برعونة تجاه مراته و بيته .. أما الآن .. فكل مليم تضعه المرآة فى البيت يسلب أمامه درهم من احترام المرأة للرجل و قنطار حنق من الرجل على المرأة .. و بصورة لا ارادية يُشخِّص الرجل حنقه على المرأة فى صورة هروب من البيت .. عمليا و نفسيا ..و يبدآ "هو" فى التذمر ..

و ممارسة ألوان القهر المختلفة على" هى" و هى مش ناقصاه .. فكل ماتبحث عنه هو سند و ظهر و وطن يحتويها .مين العبقرى اللى أقر بأن نزول المرأة الى الشوارع سيرفع من مستوى الأسرة؟
مين اللى أقر ان قعدة الستات عالقهاوى مع واحد شيشة تفاحة سيعلى من شأنها و تطاول رقبتها رقاب الذكور؟
مين اللى قال ان دخول المرأة مجال التمثيل و الغناء و الرقص سوف يثبت حضارة المجتمع الذى تنتمى اليه؟؟
مين اللى قال ان نزول المرأة مجلس الشعب و المحاكم و الوزارات لن يسحق أمامه أجيال بها أطفال و شباب و مراهقين بحاجة الى أم متواجدة واعية متيقظة ..

تراقب و تحاسب و تطبب و تلملم جروح شتى؟
مين اللى قال ان وقوف المرأة فى موقع تبنى برج سكنى لن يهدم أمان طفلة مراهقة ليس لها سوى تلك الأم لتشكو و تبث لها حزنها و تبكى على قدميها و تحرم رضيع من ثدى أمه ؟
و للأسف... سيداتى آنساتى سادتى أصبحت المرأة خاضعة لكمية مهولة من الرجال دون بعلها : رئيسها .. زميلها .. العميل .. حتى عامل البوفية و سواق عربية المصلحة بدعوى "أكل العيش"..

و عندما تعود مساءا للبيت .. هى ناقصاه هو كمان ؟؟

مش كفاية طول النهار موطيين لخلق الله ؟؟ و ليها حق يا سى الافندى ماهى بتصرف على عيالك ياوحش .. ألف هنا و شفا .. أوعى تفتح بقك ..و هنا يبدأ مسلسل النكد الأزلى : بتاع شغالين برة و جوة .. وهكذا تذبل المرأة و تنهار و تنبت لها لحية فى بعض الحالات ....أيها السيدات و الساده المرأة مرأة و الرجل.. رجل ..فى كل الحضارات و الأزمنة .. فالمرأة تلد و ترضع أولادها فى اقاليم دارفور و هامبشاير و نيو يورك سيتى و كوالا لامبور و السنبلاوين و ساوث كارولاينا ... منذ أيام ستنا حواء مرورا بالقوادم كليوباترا و زنوبيا و شجرة الدر و انتهاءا بالفضليات هيفا وهبى و ماريا و شاكيرا ..و قد أخدنا زمان فى الحساب اننا لا نستطيع جمع تفاحة و برتقالة لأختلاف طبيعتهما .. فالتفاحة تفاحة و البرتقالة برتقالة .. لكلٍ منهما خواصها و مزاياها و نكهتها الفريدة ..

فاذا لم تكن هناك حاجة قهرية للعمل فلا داعى لعمل الفروت سالات .. فالتفاح يتأكسد و يتغير لونه اذاما انتنزعت قشرته و تعرض للهواء .شكرا على المساعدات القيمة و الأصوات التى تنادى بالمساواة و لكن ...عفوا نحن لسنا فى حاجة للمساواة فلسنا الأقل ولا الأدنى ..فالمرأة بطبيعتها حققت المعادلة الفيزيائية المستحيلة : ناعمة و قوية و كلها حنية .. و قد أثبتنا ذلك بالفعل و نازعنا الرجال فى كافة مجالاتهم .. ولكن لا نريد أن نصبح جنسا خشنا .. لا نريد أن تجف ضروعنا و تتيبس أرحامنا ..لا نريد أن يضل أولادنا .. لا نريد أن تخطى بناتنا .. لانريد أن تُجش أصواتنا .. لا نريد أن نتحلى بأربطة العنق .. لا نريد أن نصبح مسخا .
تحديث توضيحى لازمهذه الفكرة .. أو بالأحرى الأمنية ليست نتاج مراهقة فكرية لإمرأة كما أُتهمت فى بعض التعليقات ..أو عودة بالمرأة للخلف .. بل هى قمة النضج الفكرى و الأنسانى و التطور الطبيعى للمنحنى الحضارىمن يعترضون على "حلمى" سوف يرون بأعينهم غدا أن هذه الفكرة هى منتهى الرقى و التحضر.الجسد الأنسانى (كأى مخلوق) محدود الطاقة .. فاذا أجهدناه بما لا يطيق تعب و أجهد معه الروح و النفس .. و عندما وضع الله على عاتق المرأة وحدها مسئولية " الأحتضان" الأجبارية : فى الحمل و الرضاعة حّملها بمجهود قاسى ..

و عندما وضع فى فطرتها الأهتمام و التضحية و ايثار الأبناء على نفسها حمّلها بمسئولية إضافية .. ايضا- و لكن و مع ظهور تلك الطبقة الحنجورية من المعترضين على كل شئ و أى شئ .. بشر يظنون أنفسهم تقدميون و مثقفون و أعلى من الآخرين - بشر يعترضون حتى على الفطرة التى ستستمر رغم أنوفهم – أدخلوا المرأة فى طور جديد يتعارض – غالبا- مع الفطرة فأصابوها بالوهن الجسدى و النفسى .. انعكس وهنها على تابعيها و هم الأولاد و الرجل ...مما أفرز " فوضى انسانية عظيمة"لم أقصد للحظة أن أبقى فى البيت لأكتفى بتربية العيال و الطبيخ و المسح .. عفوا – فأنا بالفعل أقوم بهذه المهام الى جانب عملى – و ماتجيش شملولة تقوللى أنا مابعملش كده لأنى هقولها تبقى ست ولا مؤاخذه معفنة .. ولا أردت البقاء فى مملكتى لأتزين للرجل و أتحمم له و أتنعم له ..

فالمرأة المحترمة تتحمم و تتزين و تلبس بأناقة من دون الرجل ..و من لا تفعل ذلك لنفسها فهى أيضا ست .. معفنة

أنا لن أرتاح فى بيتى من أجل " النكاح" و ضد فكرة أن أصبح خادمة لرجل بل و هذا هو خطى التدوينى منذ بداياتى .. كل ما أريده هو أن : أريح جسدى و أدلله .. أكون أم جيده و متواجده ..

أكون أمرأة غير مهانة أو مبهدلة شكلا و مضمونا .. أريد مساحة للحديث مع ابنتى .. أريد أعصابا للحوار مع ابنى .. أريد أن أصلى بهدوء و خشوع .. أريد مقابلة صديقاتى و الخروج معهن براحتى .. أريد أن أزور أمى و أشرب معها قهوة الصباح .. أريد أن أسهر أمام الكمبيوتر حتى الصباح .. أريد أن صحو من نومى غير مفزوعة كل صباح .. أريد أن أستقبل زوجى الشرقى وقت عودته و "أنا" اللى مرتاحة و رايقة .... حتى أتحمل "سخافاته و سطوته الشرقية " دون أن أنهار .... يا بتوع السقافة .. يا بتوع الحريات .. يابتوع حقوق القرد .... دى أبسط حقوق المرأة ..

لا أقصد حقها فى العودة للبيت .. لأ لأ لأ .. حقها فى الأختيار .. ما تغلطوش الغلطة الكبرى تانى و تجبروها على الشارع ..زى ما أُجبرت على البيت يوما ما .. اللى عايزة تترشح لمجلس الشعب حرة .. اللى عايزة تسرح بجرجير حرة .. اللى عايزة تربى عيالها حرة .. اللى عايزة تسرّح بناتها حرة ..كل واحدة و قدراتها ..كل واحدة و أولوياتها .. المهم راحة الضمير...فهو أهم من التلميعة الأعلامية و الهيئة الأجتماعية
هو ده المنطق و لا مش هو .. يامتعلمين يا بتوع المدارس ..

اللهم لاتـحرمنا بسوء فعـلنا

اللهم لاتـحرمنا بسوء فعـلنا
اللهم إني أستغفرك لكل ذنب .. خطوت إليه برجلي ..

أو مددت إليه يدي .. أو تأملته ببصري .. أو أصغيت إليه بأذني ..

أو نطق به لساني .. أو أتلفت فيه ما رزقتني ثم استرزقتك على عصياني فرزقتني

ثم استعنت برزقك على عصيانك ..

فسترته علي وسألتك الزيادة فلم تحرمني ولا تزال عائدا علي بحلمك وإحسانك ..

يا أكرم الأكرمين اللهم إني أستغفرك من كل سيئة ارتكبتها

في بياض النهار وسواد الليل في ملأ وخلاء وسر وعلانية ..

وأنت ناظر إلي اللهم إني أستغفرك من كل فريضة أوجبتها علي في آناء الليل والنهار

تركتها خطأ أو عمدا أو نسيانا أو جهلا

وأستغفرك من كل سنة من سنن سيد المرسلين وخاتم النبيين سيدنا محمد صلى الله عليه وسلم

تركتها غفلة أو سهوا أو نسيانا أو تهاونا أو جهلا أو قلة مبالاة بها ..

أستغفر الله .. وأتوب إلى الله ..

مما يكره الله قولا وفعلا .. وباطنا وظاهراً..

رغــى إمرأه مفروســـــــــــــــــــــــــه شوية حاجات فرساااااااااني موت (منقول)

شوية حاجات فرساااااااااني موت
بصوا بقى انا اصلا عشان نبقى على نور شايله المراره من اربع سنين يعنى ما عادش عندي حاجه تتفقع وعليه بقى هاقولكم على شوية حاجات مدعمه بمواقف من الحياه وتقوليلى على حل .اعمل ايه في الفرسه دي فى غير وجود المراره ؟؟؟؟؟؟؟؟؟
* أول حاجه فرساني : زمان فى العصور السحيقه كنت اشوف الرجاله بالصلاة على النبي الى بيرقصوا فى الافراح كده طول وعرض ويرقصوا بعصايه وبعد شويه انحرفوا وبقوا يرقصوا بحركات غريبه كده برجليهم ويفتحوا جاكت البدله ما علينا اهو كانوا بيرقصوا .
دلوقتييييييي الرجاله الحيله او الى اسمهم كده بيرقصوا بوسطهم لييييييييييه ؟؟؟

منظر مقزز جداااااااا حاجه تقرف ( اصل انا كنت فى فرح النهارده )
* تاني حاجه : البناطيل الزفت الى بيلبسوها دي الى واقعه دي اخرتها ا يه طيب ؟؟؟؟
قريت مره مش عارفه فين ان الموضه دي اصلها ابتدعها مصمم شاذ جنسيا وكان فى السجن والمساجين بناطيلهم بتبقى واقعه كده أو باين المز بتاعه فى السجن كان عنده مشكله مع استيك البنطلون ( المز = مذكر مزه)
طب مااااااالنا احنا ومال الناس دي ؟؟؟

فى اي اهبل فى الى لابسين ا لبناطيل دي عارف كده ؟؟؟
*ثالث حاجه : ايه المرض النفسي الى عند البنات الى هو تبقى الجو برد مووووت ولازم تطلع اي منطقه كده زكاه عن صحتها فى الهواء الطلق .( يا اما من فوق عند ياقة القميص - او بين الجيب والبوت - او بقى تكون لابسه بادي لازق فى جسمها لدرجة ان خروم جسمها باينه من تحت القماش) بيحصلهم ايه يعنى لما يطلعوا حته فى الهواء الطلق ؟؟؟
* رابع فارسه : ايه التشيرتات الجاااااااز الى عليها ترتر الى الشباب لابسينها دي ؟؟

ايه الوكسه البني دي؟؟؟؟؟

امال الرقاصه تلبس ايه لما الرجاله (اول الى اسمه كده يعنى)يلبسوا ترتر ؟؟؟
* خامس نقطه : ايه الداء الزفت الى بقى فى الناس ولاد وبنات انهم يبينوا الاندر وير ؟؟؟
مش عارفه ايه مشكلته مع الموضوع ده ؟؟ بس شكلها مشكله عالميه على فكره . لان رضا لما راح الصين (رضا ده جوزي) قالي انهم هناك بيبجلوا الاندر وير جدا جدا وخصوصا القطعه الاندر يعنى وحتى اسعارهم غاليه اوي وماركات وكده يعنى .
قلتله اشمعن ؟؟؟؟ قالي يمكن عشان بيبان دايما ؟؟؟؟

( لا ما تخافوش لسه عايش بعد ما قالي كده )
* سادسا : كان زمان على ايامنا احنا يعنى في العصور السحيقه برضه كان فى قطعه كده متوفره فى الاسواق اسمها كومبيل !!!!! اه فاكرينه يا شعب ولا ايه ؟؟؟ ما علينا الكومبيل ده كان متوفر بشكلين طويل تحت العبايات والجيبات وقصير تحت البناطيل وكده يعنى .
خير اللهم اجعله خير اختفت القطعه دي . تلاقي الواحده من دول لابسه حلو اوي وميت فل واربعتاشر وهى مش قصدها على فكره بتيجى كده معاها وبعدين ترفع ايدها تظبط الايشارب - اي والله الايشارب موجود وبصحه جيده - تلاقي بطنها بانت . طب ايه ؟؟؟؟
هاحكيلكم حكايه عشان خاطر خيخه حبيبتى عايزه تعرفها .
جوزي كان فى القاهره من اسبوع كده وتحديدا فى جامعة عين شمس ولما رجع قالي انا قررت اعمل دراسات عليا . قلتله طب وده من ايه ؟؟؟

قالي كده عشان اعلي من مستوايا وهاقدم فى عين شمس . طبعا اختكم لمااااااحه وكنت عارفه هو كان فييييين . لا ما حدفتوش بسكينه اخف شويه .
وبعدين قالي انا عايزك تعملي اعلان بالبنط العريض على النت فى اي منطقه زحمه ان البنات الى لابسين محترم دول -مالناش دعوه بالتانين دول قالعين قالعين- يخلوا بالهم لان ظهرهم بيبان وساعات الاندر وير كمان لما يوطوا طالعين او نازلين من الميكروباص مثلا. قلتله يعنى هما مش حاسين ؟؟؟

قالي مش معقول دول بيبقوا لابسين محترم اوي !!!!!
قلتله ليه هى الخلايا ا لعصبيه بتاعتهم نهاياتها مختلفه عننا ؟؟

ما حسيتش بسرسوب هوا كده لطش فى .... قفاااااها . قالي اه صحيح ده الواحد السطوح عنده فاضي بس اي نسمه تعدي فوق باحس بيها .
وبعدين بقى تساءلنا اين ذهب الكومبيل وذهبت ا يامه ؟؟؟؟

وتذكرت صراع مرير مع واحده هبله اقنع فيها انها تشتري فى هدوم فرحها كومبيلات وهى تقولي لا مش بالبسهم وقلت فكروني نبلغ عنه منظمة حقوق الاندر وير عشان يحموه من الانقرااااااض .
مجموعة بقى فرسات مختلفه : ليه الناس بتستهبل ؟؟

ليه الناس حشريين ؟؟؟ ليه الناس قليلة الادب ؟؟؟ ليه الناس بيشتموا بعض اشنع الشتايم على سبيل الهزار ؟؟؟؟

ليه الاهالي شخصيتهم ضعيفه مع اولادهم ؟؟؟

ليه الناس فاكره الاطفال اغبياء ؟؟؟؟
ليه العيال بتقل ادبهم على اهاليهم ومفرغين عنهم منهم ؟؟؟ ليه الاستنطاع بقى موضة العصر؟؟؟؟
اه يا مرااااااااااااارتي ياريتنى كنت خدتها من الدكتور يومها وعملتلها مقااااااااااام
يلا بقى كفايه انتم رغاييين اوي ايه ده

رغــى إمرأه مفروســـــــــــــــــــــــــه

كتاكيت فى مخ الشعب
السلام عليكم طبعا انتم عارفين الطريق طويل اد ايه على ما اوصلكم بقى ومش هاقولكم انا كام مره على مدى 4 ايام افتح المدونه عشان اكتب بوست جديد ويادوب ارد على حد وما الحقش اعمل اي حاجه تانيه .

المهم جينا .هانرغي النهارده يا حلوين عن الكتاكيت التى تنمو داخل مخ الشعب بخصوص الجواز .

والى انا شايفه انها سبب رئيسي ان ما كان واحد فى المأساه الى موجوده من تأخر سن الزواج فى البنات والشباب كمان .نعملها نقط كده عشان نركز فى كل كتكوت على حده :أولا : أكتر كتكوت فارسني فى حياتي هو كتكوت مكتب تنسيق الزواج . اه انتم ما تعرفوش ؟؟

مكتب التنسيق الى هو بتاع الكليات ده . اه احنا بقى عندنا مبدأ لا يبدل ولا يتغير بن الدكتور لازم يتجوز دكتوره او صيدلانيه علىالاقل .

والدكتوره لو اتجوزت محامي تبقى استعجلت واتنازلت واتهبلت .التكافوء مطلوب والقرب فى التفكير مطلوب .

بس ايه الفرق الاجتماعي والثقافي بالفعل بين المهندس والمحاسب والدكتور والمحامي والمدرس .........

ايه الفرررررررررق ؟؟؟

يبقى الراجل متقدم وهو عريس زي الفل كده ويتلككوا له على اي حاجه (ده لو ماكانش رفض صريح له ) وتلاقي بعد تعديد الاسباب الواهيه للرفض امها تقولك :

امال لو كان مهندس بقى ولا دكتور كان عمل ايه . ليييييييييييييييييه ؟؟؟؟!!!؟؟؟؟

ثانيا : ان الشاب من دول بعد ما يكون نفسه (يعنى يبقى عنده مثلا 35 سنه ) يجى يتجوز طبعا المفروض لما يطلب عروسه اشوفه واحده يعنى مثلا 27 سنه .

الاقي واحد بكل بجاحه يقولي لا اكتر من 25 سنه تبقى خنشرت بقى .

مش عارفه هو طيب يبقى جراله ايه ؟؟؟

والله العظيم الستات لها عمر افتراضي والرجاله برضه لهم عمر افتراضي ده احتى احنا اتوكسنا وكسه بنى يعنى حتى اسألوا بتوع بودرة السراميك كانوا جايبين ال .... سيراميك لمين .

والنتيجه للموضوع ده ان الى عنده 35 سنه بيتجوز واحده عندها 22 سنه

والى عندها 30 سنه ما تلاقيش حد على مقاسها .

ومع تكرار الوضع بيحصل دروب واوعى حد يقولي ان الى عندها 30 سنه ممكن تتجوز واحد عنده 27 سنه لان دي جريمه دوليه فى المجتمع بتاعنا .

رغم انى مش باحبذها لكن هى مش جريمه برضه .

ثالثا :لازم عشان البنت تتجوز ابوها يشحت ويتدين ويجيب فوق طاقته ويقف العريس المصون ويتبجح وتأمر ويقول ما جبتوش وما جبتوش مع ان الشرع بيقول ان العروسه ما تجيبش حاجه خالص لا وانت تديها المهر الى ترضاه كماااااان .

ولازم عشان اي اثنين يتجوزوا يبدأوا حياته كاثنين بشقه مؤهله لعيش اسره كامله من 6 افراد مثلا .

وباصرار من الطرفين مش عارفه ليه امال هايعملوا ايه باقي حياتهم ؟؟؟

رابعا : كتكوت كبير اوي اوي بيتنطط فى عقول البشر اسمه الجواز عن حب والجواز التقليدى ده عايزه بوست لوحده خليه على جنب .

خامسا : كتكوت طماااااع ساكن فى العقول بيقول انك مش لازم ابدا تتنازل عن اي حاجه لازم الى اتجوزه او اتجوزها تكون فيها كل حااااااجه حلمت بها فى الدنيا من اول ما اتولدت ومن اول هند رستم لحد هيفا وهبي مالناش دعوه هو كده بقى .

وتلاقي كل واحد يقول ليه هو انا ناقصنى ايه عشان اخد حاجه نص لبه ؟؟؟

سادسا : طبعا ده كتكوت عايز اعدام الى بيقول ان الراجل من حقه يعك على كيفه والبنت لا .

وان الراجل ما يعبوش الى جيبه والست يعيبها ملوخية الجيران الى طشتها وحشه .

وده اصلا خلق عدم ثقه في نفوس الكل وقرف مالوش حد .

سابعا : كتكوت عايز الحرق فى ميدان عام وهو ان احنا بنقلد بعض ونبص لبعض ولازم ابنى يعمل فرح احسن من فرح البت الى كان اتقدم لها وهى رفضته .

وبنتى لازم يكون بيتها احسن من بيت بنت سلفتي الى عامله نفسها بتاعه علينا .ونفضل فى صراع وهبل مالوش اي علاقه بمصلحتنا الحقيقه وهى انشاء وبناء بيت واسره سعيده لنا أو لاولادنا .

ثامنا : كتكوت الرسم والاصطناع . يا ابويا على كده تلاقي البنت بتترسم والولد بيترسم واهاليهم بيترسموا على بعض وحاجه وكله عمال يبربش ويدي برمجه وحركات غريبه ببؤهم

واصوات بتصوصو ـ كتاكيت بقى ـ وبمجرد الدخول فى التفاصيل (القايمه بقى والقاعده والحاجات دي )

اتفرج يا سلام تسقط الاقنعه الاول بتاعة الاهالي والشعر الى كان بيتقال بخ خلاص راح .

بعد الجواز بقى شويه شويه تسقط الاقنعه ويبدا يبان الوش العكر بقى والزعيق والصوت العالي وجمعيه الابواز المشتركه تباااااان وكله يظهر على حقيقته .

نص الجوازات بتبوظ قبل ما تبدأ بسبب الرسم وقلة الصراحه من البدايه .

ده لما الاقنعه بتسقط من اول الاتفاق على مبلغ الشبكه .وكفاااااااااايه كده كتاكيت عشان العشه اتملت والمغرب اذن .شكراااااااااا ولو سمحتم اي حد شايف فى كتكوت انا نسيته ياريت يدخله العشه

امى

أمي ..
تعرفي يا أمي نفسي في إيه ..
نفسي أخدك جوا حضني ..
جوا قلبي ..
عشان تشوفي ..
عشان تحسي ..
بيحبك قد إيه ..
وتجسي نبض قلبي ..
اللي انت غالية والله عليه ..
وتسمعيه .. بيغني .. ويقولك إيه ..
يقول بحبك وانت ضي عنيه ..
يقول بحبك ومناي قربك ..
هتسمعيه ..
يقول عشانك وعشان عيونك
اسمك ده هغنيه ..
حروفه نور فوق السطور ..
ياسمين وفل حوليه ..
وأرجع وأقول تعرفي يا أمي ..
أنا نفسي حقيقي في إيه ..
نفسي أضمك جوا صدري ..
نفسي أدوب وأبقى نفس تحتويه ..
نفسي صورتك جوا عيوني
تضمها جفوني ..
وما أشوفش غيرك
في الدنيا تاني ..
نفسي تسعد عيونك ..
وترقص أيامك ..
نفسي الفرحة تملا سماك ..
نفسي الدنيا تبقى معاك ..
دنا من جوا ..
جوا قلبي والله حباك ..
وأرجع وأقول تعرفي يا أمي ..
نفسي في إيه ..
نفسي تكوني جوا العيون ..
أجمل صورة في الكون ..
يا أطيب قلب حنون ..
وأرجع وأقول تعرفي ياأمي ..
نفسي حقيقي في إيه ..
نفسي أخدك جوا حضني ..
جوا قلبي ..
عشان تشوفي ..
عشان تحسي .. بحبك قد إيه ..

من فضلكم سامحوني……. مكنش قصدي

من فضلكم سامحوني……. مكنش قصدي
وأنا عن نفسي سامحت كل من أخطأ في حقي.. أو قصر .. أو خذلني.. بقصد أو بدون قصد..

يغفر الله لكم وهو أرحم الراحمين..
والكلام لكل واحد زعلان من حد أو مزعل حد منه.. يا ريت نستسمح بعض .. ونسامح بعض ابتغاءا لوجه الله …

نغفر زي ما بنغلط في حق ربنا وهو مالك الملك وملك الملوك ورغم كدة بيغفر لنا…

نلتمس لبعض سبعين عذرا.. كلنا بشر… والبشر ضعيف.. خطاء..

كلنا له زلاته اللي يحب لما يغلط الناس تغفرها له.. يبقى الأولى أنه يبدأ هو بالمغفرة..
{وَلْيَعْفُوا وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ }سورة النــور (22)

الفالصو و الدهب

الفالصو و الدهب
الفالصو و الدهب ليهم نفس البريق

الفالصو ساعات بيخدع و يقول أنا المضيء
لكن في الشدة بان مين اللي له أمان و مين للعشرة صان و كان هوه الصديق
في رحلة الأيام نقابل في الزحام ناس ليها ألف وش و قلوب مليانة غش و ناس ورق و قش ملهاش غير الكلام
الصاحب مهما غاب عمره ما يسد باب و لا كان له يوم تمن و لا غيره يؤتمن و ان جار يوم الزمن بيشيل هوه العذاب
لكن في الشدة بان مين اللي له أمان و مين للعشرة صان و كان هوه الصديق
أغنية قديمة قوي.. بس بحبها قوي.. وكل ما باعيش في الدنيا باكتشف ان معناها صح … وصح قوي .. كنت الأول لما باقابل ناس بحسبهم دهب ويطلعوا فالصو بازعل قوي.. بس دلوقتي بقيت لما باشوفهم بابتسم …… قوي ))))))))))))))))))
حد ابن حلال بقى يشوف لي لينك ليها علشان بجد نفسي اسمعها قوي!!

سؤال لبنت مصريه وده الجواب

ردا على تساؤل بهذا العنوان على جروب على الفيس بوك..

كان ردي كالتالي: أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:
1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر

…2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب .. علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً … )))

)3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية

…4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني .. الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني).

. 5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه.

.6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية .

.7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين .. وغير المسلمين كمان .. آمين

جعـــــــــــــــــــــــــــــــــــــــــــــــــــــــــا ن

اوبريت البربور العربي
منذ عدة اعوام اتحفونا بالاغنية الشهيرة الحلم العربي بتاعة اجيال ورا اجيال
وسحسح الوطن العربي من المحيط للخليج وشق الصدور و هال الرمال علي راسة
وبربرت الشعوب كما لم تبربر من قبل

الظريف بقي ان في اغنية الضمير العربي واضح ان المنتج و المخرج للجزء الاول
أحمد العريان وجد ان مفيش فايدة
فقامو في الضمير العربي بغناء الاتي"

ماتت قلوب الناس ماتت فينا النخوة، يمكن نسينا في يوم إن العرب أخوة، مات الإحساس جوانا ولا قلوبنا مليانة بالحقد والإحساس"
يعني من الاخر سبو الاخضريين للشعوب حقيقي دائما ما شغلني الهدف من الاغاني الوطنية ذات الانتاج الضخم و المكلف
ساعات بحس انها سبوبة او المنتج مزنوق في جمعية او العيال علي وش المدارس
فا يقوم لامم مغنيين مصريين علي خلايجة علي مغاربة و توانسة و يبقي انتاج مشترك
و اهو المليان يكب علي الفاضي
و شيللي كليب اشيلك اوبريت
وطبعا الاوبريت دة هايلف علي الدول العربية كالغجر في الموالد و الترحال علي النجوع و الكفور
وغازية تزن نص طن ترقص بانشكاح امام الفرقة علي امل ان يجود عليها احدهم بجنية احمر سخن

كالرغيف او يديها رغيف
فلا مانع من ان يرعاة الملك الفلاني و يجود علي الفرقة بما يخرج من ذمتة
او الرئيس العلاني يصطحب المدام و الانجال في مسرح الرئاسة للفرجة علي فرقة المولد العربي
و لا مانع من اهداء الفرقة و الغازية درع الدولة ومفتاح العاصمة ودورة مية ان امكن
و الملفت الدعاية للاوبريت علي القنوات الغنائية و كل يعلن ان الاوبريت سيعرض حصريا لدية
وتسابقت المنتديات و المواقع علي وضع وصلات لتحميل الاوبريت
كما لو انه دواء لشفاء الجرب و البرص و سلس البول
و الكل يتسابق للحصول علي بركات الاوبريت الجميل بقي ايمان البعض بان الدول ستحرر بالاوبريتات و المسلوب سوف يعود بالكليبات
واقترح في حالة نجاح التجربة و تحرير القدس و لبنان و العراق
تعميمها وتحرير السنبلاوين و مغاغة و دوران شبرا و محطة مترو روض الفرج
فبربرو يا عرب كما شئتم فلن تحرر الاراضي بالريالة و النواح و اغاني الموالد
الله يرحمك يا بيرم

لما قلتو حمار يغني,

وجايب من يقول له آه حالاً تقول الخلايق كلها ويّاه

توب علينا يارب

منقول بسى حلو

جمال البنا

حبيب الكل اللي مفرج هم الشباب و مرجع الصبا للشيوخ و الرجال

وصاحب فتوى إباحة التدخين للصائم

بعد ان اتحفنا باخر فتوي لسيادتة بإباحة القبلات بين الشباب والفتيات في الأماكن العامة

معتبرا أن القبلات بين غير المتزوجين من الشباب والفتيات من الضعف البشري وتدخل ضمن اللمم في الإسلام،

أي الذنوب الصغيرة التي تمحوها الحسنات

جايز علشان سيادتة عندة 80 سنة فموضوع البوس مش هايجيب نتيجة مع من هو في نفس العمر

وهو في سن جدها لا حرج يعنييا اخوانا الشاب من دول

لو تخيل واحدة بس و هو نايم يفوت في قطر نسوان ميوقفوش الا لما حد يشد جزرة الفرامل

نروح نقولة البوس حلال وربك بيلطف بعبيدة بوسها و توكل

يحضرني المثل القائل جاتنا بنت خالتنا زادتنا هباله على هبالتنا

=============++++++++++++++++++++++++======================

سيد رشوان

راجل مرتبة 400 جنية

زفت مصري

لبس زي امرأة منقبة علشان يقف في طابور العيش النسائي

لانة اخف في الزحمة

طبعا اتقفش و اكل علقة موالد و عند حضور الشرطة بكي الرجل كما الولايا

و انة اضطر لهذا الفعل من قسوة المأساة التي يعيشها كل يوم،

هو ومعظم المصريين من أجل الحصول على رغيف الخبز

ولكي يتجنب المعارك و اذكركم بعجوز الدقهلية الذي سقط في طابور العيش مغشيا علية ثم وفاتة

غير وفاة مواطن بالاقصر بعد ضربة علي ايد بلطجي في طابور العيش

غير الخناقات بالسنج والمطاوي في وسط القاهرة في طوابير العيش

غير قتيلين في حلوان و 17 جريحانا متوقع كمان 30 سنة

هايبقي في بانوراما حرب الرغيف

اسوة ببانوراما حرب اكتوبر

و كفاية كدة علشان انا دمي اتحرق

احمد نظيف

نظيف

كلما قرأت او شاهدت تصريح لمسؤل حكومي شعرت انة يعيش في دولة غير التي نعرفها فمرة يخرج نظيف الرائد في مشروع القرية الذكية و الحمار ابو بصمة الصوت و العجل البلو توث و يؤكد ان إضرابات الموظفين الحكوميين محظورة هي اية حكاية محظورة دي اللي كل ما حد ميعجبهمش يتقال علية محظورةعلي كدة الولية ام فكري اللي فارشة في سوق الخضار اللي بتلعن سلسفيل الحكومة ليل نهار هايبقي اسمها ام فكري المحظورة وكما شعرت من تصريحة انة محروق قوي من موظفي الضرائب العقارية

و علي حد قولة الحكومة مبيتلويش دراعها

و ان اي صاحب حق يستطيع أن يأخذه عن طريق قنوات التعبير القانونية

و النبي يا باشا قولنا القنوات دي فين

و هل لازم نروح بالمايوهات

لا يكون قناة منهم مبلولة ولا حاجة

و ايضا تكرم السيد الوزير بقولة ان الحكومة تسامحت معهم

لإدراكها الظلم الواقع عليهم لعدم مساواتهم بموظفي الضرائب العامة

كما لو ان الحكومة دي امنا و احنا شوية عيال صيع محتاجين نظرة عطف

ا و ليس كل موظفي الدولة من اصغرهم الي رئيس الجمهورية يقبضو مرتباتهم للاهتمام بامور الشعب واضح ان نظيف مقراش الدستور اللي يكفل حق الافراد فى الاضراب والاعتصام للتعبير والمطالبه بحقوقهم

آخر كلام للشاعر أمين الديب

ألقت قوات الأمن المصرية بتاريخ 25/4/2006م القبض على الشاعر الشعبي المصري أمين الديب (70 عاماً) عضو اتحاد الكتاب من منزله وحبسه خمسة عشر يومًا رهن التحقيق بتهمة إبداع أشعار تُنادي بالإصلاح والحرية ونزاهة الانتخابات وسيادة الشعب والقانون والعدالة الاجتماعية ونهضة مصر ومكافحة الاستبداد والفساد والتزوير والقوانين الاستثنائية، وكذا رفض مد حالة الطوارئ

أخر كلام

بعد مابقلع هدومى

قبل نومى

لازم أقرا كام مقاله

نرفزونى..سخنونى

حفزونى..إنى أكتب

عن ولاد الكلب

والسفاح شارون

قول سهرت

نمت..بعد الفجر ما إدن

والعيال بيقومونى

صحصحونى

قمت مفزوع من منامى

هجت فيهم

جت مراتى قالت لى..مالك

إيه جرالك؟ليه بتشخط فى العيال

قلت باحلم

كنت باحلم إنى ميت وانفزعت

انبسطى..؟كشرت وبسرعة قالت:

إيه دا أصله. طب وماله

يستحق الموت وأكثراللى يهرب من عياله

كنت فين م المغربية؟تيجى بعد الفجر مادن؟

إنت فاكر إن دا ح يخيل على

شعر إيه؟

واللا إيه بتهببه.. وتقول قضيه

هى فين هى القضيه؟

هم يعنى كلمتينك.. اللى حى يحلوا

القضية؟

هيه ناقصة

وإحنا مالنا

ما انت شايف . كله خايف

والمدافع همسه حايره..عالشفايف

وانت عارف

الصهاينة ناس قويه.. ومفتريه

واللى أدهى من داكله

لما يبقى الكل نايم.. وانت قال تكتب

قصيده!!عن ولاد الكلب والسفاح شارون

أبقى نايمه!!أسمعك بتقول شارون؟

من غير سلام ولا يحزنون!

انت فاهم إنه ح يهمه الكلام؟

واللا دول عايزين سلام؟

واللا ح يخاف من كلام؟

هو همه من كلينتون. واللابوش

واللاهمه من باراك.. واللاهمه من...!

واللا عايز تبقى شاعر؟

واللا من أبنود جنابك؟

واللا عايز تقديريه؟

قلت طبعاً

أى شاعر يستحق التقديريه

يستاهلها عن جداره

مش خساره

ليه يا خويا

هو طلع إسرائيل؟

واللا عمر فى الصحارا

حاجه تانيه!!

والقطاع العام بيخسركان منع عنه الخساره؟

واللاسكان المقابركان بنالهم كام عماره؟

واللاشغل ألف عاملأ

و منعهم من الدواره؟

واللا وزع عالغلابة

ألف طن من الدقيق

واللاحتى كام شيكاره؟

فوق لروحك

هو خدها عن وهيبه

والأغانى لعبد حليم

مش عشان حل القضيه

القضية هى.. هى

واحنا فى الخيبه القويه!

قلت جاهله.إنتى جاهله

انتى فاكره الشعر ساهل؟

دا اللى ينكر فضل شاعريبقى جاهل

قلبك ابيض

مش حترجع الا لما يحبسوك

عالكبر ويبهدلوك

انت بتقول يا سادتنا يا قادتنا..

ارفضوا تهديد أمريكا والتحيز لليهود؟

طب ولو زعلت أمريكا

طب منين حيأكلونا؟

والحكومة نفسها بتمد إيدها

ويقولوا لهم شحتونا!!

انت عايز يحبسونا ؟

لوعايزنا نقب اكتب

حط همك فى الأغانى

فطر الشعب بأغانى

نيم الشعب باغانى

والأغانى..بيبعوها بالدولار الأمريكانى

واللا يعنى جت علينا

واشتهينا الفقر.. تانى؟

عيش وهيص

شجع الأبطال ولادنا

اللى رفعوا راس بلدنا

مسخروا أولاد ناميبيا

واللا ليبيا.عيش وهيص..

انت يعنى كنت غاندى..؟

واللا حافظ واللا شوقى؟

واللا بيرم أو جاهين؟

مانت طول عمرك بتكتب!

حد سمعك؟قول لى مين؟

والا كام واحد بيحضر

فى النداوى ف أى حته

حتلاقيهم..خمسه سته!

أما لو تكتب أغانى

تبقى نجم ولك سماك

واللى جاى يطلب لقاك

واللى يتصور معاك

والصحافة والإذاعه

والبرامج..كله ح يسجل معاك

زى شعبان عبدالرحيم

واللا شوف جمهور حكيم

تبقى شاعر زى صاحبك

كل واحد يرضى عنك

الحكومه والصهاينه والخلايجه

والتوانسه

والاجانب والذوات

بالخصوص صنف البنات

هو دا آخر كلامى

تمشى بيه.. أو تفارق من سكات

ميت يمين ماتقول قصيده

لاملا كل الدار صوات

واللى يسأل تانى عنك

راح اقول له غار ومات!

لواء بالشرطة يدعو الشعب المصرى لإلقاء القبض على حسنى مبارك

لواء بالشرطة يدعو الشعب المصرى لإلقاء القبض على حسنى مبارك

كان معنا فى احدى الجلسات الاجتماعية أحد الأصدقاء

الذي سرد لنا هذه القصة وكانت مفاجأة كبيرة لنا بالطبع وأيضا هي واقع موجود على الأرض
قال كنا على احدى المأدبات في بيت من بيوت رجال الأعمال في القاهرة وكان يجلس معنا بعض الشخصيات
ومنهم كان هناك
لواء في الشرطة
وبعد تناول الطعام والى ما هنالك جلسنا نتناول القهوة والحديث عن الأمو ر والأخبار
وبشكل عام
وكان كل منا يدلو بدلوه وكان هذا الرجل ساكتا ويستمع الينا وينظر وفي عينه كلام
فقلنا له نرى في وجهك كلام ولا تتكلم
فنظر الينا وقال سأقول لكم كلمات ربما
تكون غريبة على مسامعكم
قال : هل تعلمون أننا نخشى أن نصحو في الصباح ونجد حسني مبارك قد وضع زوجته وأولاده في الطائرة وهرب الى خارج مصر ويتركنا بين يدي الشعب كي ينتقم منانحن الأمن والشرطة
وكانت مفاجأة لكل الحاضرين
قال نعم ان الأوضاع وصلت الى درجة الهاوية ولا يمكن بعد اليوم اصلاح أي شئ
الناس باتت تسرق علبة بولبيف كي تأكل
وبدأ يسرد الكثير من الامور التي هو أدرى بها بحكم عمله وتواصله مع الناس هنالك
قال ان مصر اليوم
تحتاج الى هبة ضمير تقصي هذه العصابة التي يقودها مبارك ووضعها في السجن ومحاكمتها على تخريب مصر اقتصاديا واجتماعياوثقافيا وسياسيا
والا فان الحر ب الأهلية مقبلة وطبولها بدأت تقرع في كل مكان من مصر
وعندها ستحترق مصر
وقال بعض الحاضرين بصوت منخفض وكيف ذلك
قال على الشعب المصري أن يطوق البرلمان ومقر رئاسة الوزراء والقصر الرئاسي
ويتم القبض على مبارك وعصابته كي لا يهربوا الأموال التي سرقوها
وبعدها يستلم الجيش لمدة ثلاثة شهور تجري فيها انتخابات رئاسية ويتم فيها انتخاب رئيس وفق ارادة شعبية خالصة
والا فان مصر ذاهبة الى المجهول .
( موقع وطن الالكترونى)

اضراب 4 مايو في كل مصر للشاعر احمد فؤاد نجم

اضراب 4 مايو في كل مصر

> > > > > >

خليك في البيت تانيأنا مابخفش وحفضل أقول

> >كلمة حق عليها مسؤل إن الريس راجل طيب وبشعبه

> >دايماًَ مشغول مشغول إنه يلم فلوسهم بره

> >سويسرا يحوشهلنا وف حسبات سريه يشلها .....نفسه

> >يأمن مستقبلنا شفتوا إزاي بقه قلبه رحيم عنده

> >إيمان وضميره سليم بيجوعكوا لجل تخسوا آه يا

شعب محتاج لرجيم من جهلكوا بتقولوا بطاله وإن

> >الأحوال مش شغاله دا الراجل نفسه يريحكم هي

> >الراحه تبقي عواله ؟؟ أما حكاية المنتجعات

> >ليه بتسموها معتقلات ؟؟؟؟ ليه الظن...... وسوء

> >النيه نفسه يفسحكوا يا بهوات أما الكرسي> >

واللى تقال دا كلام مش محتاج لسؤال الغلطه دي

> >غلطتنا يا عالم إن مجبناش كرسي تيفال والله

> >إنتوا ظالمين الراجل ضيع عمره ومين يستاهل

> >حتى الأكل بيكله بدالنا طالع واكل نازل واكل

> >ماله الريس بعد دا كله ؟؟؟

> >> >

احمد فؤاد نجم

الاعتقال وراء الشمس .. لن يطفئ نور الشمس !!!! الكاتب: وفاء اسماعيل

الكاتب: وفاء اسماعيل

النظام المصري مازال يعيش أوهام السلطة والنفوذ ويتجاهل اليقظة الشعبية التى قلصت نفوذه و تحولت الى انتفاضة ، ويحاول تهدئة نفسه وتطمينها بوجود كل أجهزة الأمن التي تقوم على حمايته وتحيط به من كل جانب ، كما يتجاهل ثورة الغضب العارم التى تجتاح نفوس الناس اعتراضا على استبداده وهيمنته وسيطرته وفاشيته ، ورفضا لظاهرة الجوع والذل والفقر التى عمت أرجاء البلاد ، معتقدا ان تصريحات التخدير التى صرح بها من انه امر بخفض الأسعار ، ووعوده الكاذبة بتحسين الأحوال ستطفئ نارا أشعلها فى نفوس الناس هو وعصابات النهب المنظم التى تنتمى اليه .. النظام المصرى يمعن فى ضرب الشعب المصرى وقامت قوات امنه باحراق المحلة وقتل وجرح مئات المتظاهرين معتقدا ان ضرباته ستضعف قوة وإرادة المصريين وتلقى الرعب فى نفوس المصريين متجاهلا ان أصحاب البطون الخاوية لا تشعر الا بألم الجوع الذى سيدفعهم الى رد الصاع صاعين .. انها الانتفاضة يا مبارك .. انها بداية الثورة عليك وعلى كل أعداء الأمة .

** مبارك يا من يهلل لك اسامة سرايا ، ومجدى الدقاق ، طارق حسان ، وكافة المطبلين لك والمزمرين خدعوك يوم وصفوك بصاحب الانجازات العظيمة نسجوها من وحى خيالهم ، اقسم لك انهم سيكونوا اول من يلعنك يوم خروجك من سدة الحكم فهؤلاء هم المنافقون ..اما من قمت باعتقالهم فهؤلاء هم الصادقون .. مرآتك الحقيقية لترى فيها قبح سياساتك وعجزك وفشلك لهذا أمرت بكسرهم ومها تكسرت المرآة ستظل تعكس لك عيوبك وتشهد على جرائمك جزيئاتها المتناثرة .. وعجلة الزمان لن تتوقف ، وعقارب الساعة لن تعود الى الوراء ، ولن تنعم بنوم هادىء كما نعمت به بالأمس .. فانتفاضة 6 ابريل مستمرة وستدور رحاها لتعصف بنظامك المترهل وبحكومتك الفاشلة .. لقد فقدت شرعيتك يا سيادة الرئيس السابق يوم خنت بلدك واهلك وشعبك ، يوم فضلت العدو الصهيونى على اهل بلدك واستمديت شرعيتك من البيت الأبيض ظنا منك انه حامى الحمى ومظلتك التى تحميك من شعبك ، فاين هو البيت الابيض ليحميك ويمنع عنك غضب الثائرين ؟
ان ايامك يا مبارك فى الحكم باتت معدودة وسيخرج كل الشرفاء من سجونك العفنة ، وستحطم كل السجون والمعتقلات بايدى الشرفاء من ابناء مصر وسنحتفل بهم ابطالا ، احرارا ، نحملهم على الأعناق بينما انت وعصاباتك مآلكم الى مزابل التاريخ .. سننتصر يا مبارك رغم انفك وأنف من بعتنا من أجلهم ، سننتصر يا مبارك وسنحرر مصر منك ومن ظلمك .. واكررها ان 6 ابريل هو البداية .. بداية نهاية حكمك وظلمك ايها الظالم المستبد ، يا من حرمت شعبك الفرح والأمل وملأت الأرض جورا وفسادا وفقرا وجوعا وأمراضا فتكت بأبدانهم ..سننتصر
وهذه رسالتى اليك .

ماذا بعد الرئيس؟؟؟

ماذا بعد الرئيس؟؟؟
سؤال استعيره من مقالة قرائتها للكاتب سليمان جودة فى المصرى اليوم و أكاد ازعم أن الغالبية العظمى بمن فيهم من كبار رجالات الدولة لم ولن يستطيعوا الإجابة عليه وذلك لعدة اسباب:
لا توجد آلية واضحة لأسلوب اختيار الرئيس وحتى بعد تعديل المادة 76 ستجد ان تعديلها كان مشوها وانه لن يتحقق اى من شروطها الا على أحد اعضاء الحزب الوطنى للإنتخاب كرئيس جمهورية وبالتلى ممكن ان نسميها فوز بالتزكية لأنها ستكون مسرحية هزلية كسابقاتها منذ عامين

فى ظل النظام الحالى لم يسمح لأى فرد او قيادة من القيادات الحزبية او الشعبية لكى تتواصل مع أفراد الشعب ويأخذ فرصته لكى يستطيع المنافسة على منصب الرئاسة وبالتالى سادت العبارة البائسة المميتة هو فيه حد مناسب موجود؟ وجواب هذا السؤال اذا كان بنعم فهذا معناه اننا شعب ميت ليس لنا مستقبل أو بمعنى آخر أن النظام الحاكم استطاع وبكل جدارة قتل اى امل فى انفسنا للتغيير وإذا كانت الاجابة بلا فهناك سؤال آخر ما اسم هذا الشخص؟؟؟ وهذا أيضا لا يوجد إجماع عليه لأنه لم يتواصل فعليا مع كل طبقات الشعب

طبيعة المصرى البشرية أنه يقدس ويأله القائد أو الرمز وكأن هذا الرئيس او القائد لم يقترف خطأ او انه شخص معصوم من كل الاخطاء ولكننى أقولها وبكل صراحة أرتكب الرئيس مبارك وبخاصة فى الفترة الأخيرة عندما لم يسمى الى الآن نائبا له بحجة أنه لا توجد حجة او سبب لتولى شخص ما هذا المنصب ولكن لو كان الرئيس أختار منذ فترة نائبا له وتجدد هذا النائب على مدار 26 عاما من فترة حكم الرئيس أو لو كان هناك نائب للشئون الخارجية مثلا وآخر للشئون الداخلية لوجدنا الىن شموعا مضيئة نستطيع الإختيار منها ولكن النظام آبى أن يفعل ذلك حماية لنفسه ولمصلحته الشخصية على حساب مصلحة مصرنا الحبيبة

هناك بين الحين والآخر من يقول ان نجل الرئيس السيد جمال مبارك هو الرئيس القادم بحكم خبرة والده وقضائه فترة غير هينه تناهز الثلاثين عاما ملتصقا بالقصر الرئاسى منذ أن كان والده نائبا للرئيس ولكننى اقولها أيضا وبكل صراحة مرحبا بالسيد جمال مبارك كرئيس للجمهورية فى ظل تنافس شريف وانتخابات نزيهة ولا سيما اذا كان هناك فاصل رئاسى بينه وبين والده واننى سأكون اول المرشحين له ولكن اذا جاء خلفا لوالده مباشرة بأى صورة من الصور كما يزين لنا جهابذه الحزب الوطنى فأننى اعلن اننى غير مؤيد له ولكل المحيطين به من المنتفعين

آخيرا عدم الإجابة على هذا التساؤل والضبابية الشديدة فى الاجابة تكلف مصر الكثير سواء اقتصاديا بعزوف الاستثمارات الاجنبية للدخول الى السوق المصرى فى ظل عدم وضوح رؤية وبخاصة فى الخمس سنين القادمة وايضا تكلفة سياسية بفقدان مصر لمصدقياتها ودورها الريادى فى المنطقة العربية وعالميا أيضا واخيرا فقدان المواطن المصرى البسيط لكل امل وطموح فى حياة افضل وعيشة اهنىء فى ظل وجود فساد مؤسسى كاد او بالفعل يعمل على خنق مصر وموتها اكلينيكيا بحيث تكون دولة بلا روح ولا تاثير واكبر مثال على ذلك اسعار الحديد وتحكم فئة قليلة فى الاسعار والحجة جاهزة السعر عالميا يزيد مع ان هذه الفئة هى من تشارك فى صنع القرار السياسى وايضا التحكم فى مصروفات الدولة وبالتالى تحقق لنفسها المنفعة الخاصة
فلتحذر مصرنا الحبيبة ولنحذر نحن مما هو قادم على يد هؤلاء المنتفعين الذين يهتمون فقط بجيوبهم وخزائنهم ولن يعيروا أى اهتمام لمصرنا الحبيبة وليحذروا هم ايضا من غضبة المواطن الجائع الفقير الذى لا يجد لقمة العيش سيكون هذا المواطن هو كرة اللهب التى ستحرق الجميع التى ستحرقهم هم والولادهم وممتلكاتهم ولكنها ايضا ستحرق مصر وساعتها لن نجد من يبكى على اللبن المسكوب لأنه لن تكون هناك مصر كما عهدنا

أنا المستقبل والأمل

أنا المستقبل والأمل ...
ياشباب مصر و يارجالها ونسائها أنتم المستقبل والأمل في هذا البلد

فلا تعطوا الفرصة لهذا النظام المترهل أن يستمر

وأيضا لا مجال لأي حزب من الأحزاب القائمة أن ينسب لنفسه أي دور فيما يجري على الساحة

الآن فنرجوا منهم أن يصمتوا وذلك أكرم لهم نعود إلى موضوع الإعتصام المدني الذي لابد وأن يستمر من مايو وإلى أجل غير مسمى مع الأخذ في الإعتبار الآتي

العمل وبكل قوة على نشر هذه الفكرة بين كل طوائف الشعب عن طريق أجهزة المحمول والإيميلات والإنترنت

الإستمرار في الإعتصام المدني وعدم ممارسة أية عمل عام أو خاص مدرسيا كان أم جامعيا إلا إذا كانت هناك ضرورة قصوى تحتم ذلك حتى يتم الرضوخ لمطالب الشعب

وبداية تحديد سلطات الحكومة ورئيس الدولة

عدم إتلاف أو تدميرأي مرافق عامة كانت أو خاصة

كما ذكر الكثير من الأخوة في تعليقات عديدة من قبل الهدوء التام وعدم الإشتباك أو الإحتكاك مع أفراد الشرطة

وتجنب التظاهر والعنف بصفة عامة لأننا نتعامل مع بطش ليس له مثيل

رفع وتعليق رايات في البلكونات وعلى الجدران مكتوب عليها

"طبقوا وثيقة المستقبل والأمل"

عدم التنازل أو التهاون في مطالبنا حتى إذا أزيح العادلي

أو أن رغيف الخبز أصبح فجأة متوفرا لأن سياسة تخدير الأمة لن تصلح من الآن فصاعدا

إن الدولة ومرافقها في حالة إنهيارتام فلا نتوقع أن الحياة الوردية ستبدأ غدا

ولكن لابد أن نبدأ التغيير من أجل الأجيال القادمة ولتكن البداية من الآن عرض مطالب الشعب والأمة

(وثيقة المستقبل والأمل مثلا)

في التالي إنهاء كل القوانين الإستثنائية والعسكرية من تطبيقها على المدنيين والإفراج فورا عن كل المقبوض عليهم وخصوصا من أعتقلوا في الأحداث الأخيرة

البدء فورا في تكوين لجنة عليا من أساتذة القانون أوالقضاة أو منهما معا لإعادة أو بداية كتابة وصياغة دستورالدولة ولا يكون أي واحد منهم قدعمل أو سبق له العمل في أي حزب من الأحزاب القائمة أو السابقة وذلك لوضع ضوابط ومواصفات وشروط ترشيح

أو إقالة رئيس الدولة والهيئة البرلمانية وعلى ألا تزيد مدة الرئاسة عن فترتين

ولايجوز أن تجدد بأي حال من الأحوال تكون هذه اللجنة هي النواة للجهة القضائية العليا

وتكون ذات عدد فردي (خمسة أو سبعة مثلا) حتى لا تتعادل الأصوات عند التصويت على أمر ما لابد وأن يكون هناك إشراف دولي عن طريق الأمم المتحدة أو منظماتها للمراقبة والإشراف على سائر العمليات الإنتخابية

نظرا لإنهيار الثقة في أي نظام داخلي محايد هذه مجرد خواطر وأرجو من الجميع المشاركة بكل الآراء والأفكار لتكون هذه الوثيقة بحق نابعة من وجدان المصريين

وتكون هي النواة للمستقبل والأمل لابد أن نتحرك وإعلمو أن ساعة العمل قد حانت

والسلام عليكم ورحمة الله وبركاته

عيد ميلاد سعيد يامبارك

لن أعلق فالصورة تعبر عما يشعر به المصريين الأن أتمنى أن يراها مبارك

كل القــــنوات الفضائيه لم تستطيع نشر هذه الصوره

أحمد فؤاد نجم

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عاملك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت
عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للأسف

فلازم تأسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب أو تنحرف

ودمعك بيجرى وجرحك نزف

مش انت اللى مصرى؟؟؟

جتك القرف

أحمد فؤاد نجم

اغضب فإن الله لم يخلق شعوباً تستكين

اغضب فإن الله لم يخلق شعوباً تستكين

اغضب فإن الأرض تـُحنى رأسها للغاضبين

اغضب ستلقىَ الأرض بركاناً ويغدو صوتك الدامي نشيد المُتعبين

اغضب فالأرض تحزن حين ترتجف النسور

ويحتويها الخوف والحزن الدفين

الأرض تحزن حين يسترخى الرجال

مع النهاية .. عاجزين

اغضب فإن العار يسكـُنـُنا

ويسرق من عيون الناس .. لون الفرح

يقتـُل في جوانحنا الحنين

ارفض زمان العهر

والمجد المدنس تحت أقدام الطغاة المعتدين

اغضب فإنك إن ركعت اليوم سوف تظل تركع بعد آلاف السنين
اغضب فإن الناس حولك نائمون وكاذبون وعاهرون

ومنتشون بسكرة العجز المهين

اغضب

إذا صليت .. أو عانقت كعبتك الشريفة .. مثل كُل

المؤمنين

اغضب

فإن الله لا يرضى الهوان لأمةٍ

كانت - وربُ الناسِ- خير العالمين

فالله لم يخلق شعوباً تستكين

اغضب

إذا لاحت أمامك صورة الكهان يبتسمون

والدنيا خرابٌ والمدى وطنٌ حزين

ابصـُق على الشاشات

إن لاحت أمامك صورة المُتـنطعين
اغضب

إذا لملمت وجهك بين أشلاء الشظايا

وانتزعت الحلم كي يبقى على وجه الرجال الصامدين
اغضب

إذا ارتعدت عيونك

والدماء السود تجرى في مآقي الجائعين

إذا لاحت أمامك أمة مقهورة خرجت من التاريخ

باعت كل شئٍ

كل أرضٍ

كل عِرضٍ

كل دين

ولا تترُك رُفاتك جيفةً سوداء كفنها عويل مُودعِـين

اجعل من الجسد النحيل قذيفة ترتج أركان الضلال

ويُـشرق الحق المبين

اغضب

ولا تُسمع احد

فإنك إن تركت الأرض عارية

يُـضاجعها المقامر .. والمخنث .. والعميل

سترى زمان العُـهر يغتصب الصغار ويـُـفسد الأجيال

جيلا ً.. بعد جيل

وترى النهاية أمة . مغلوبة . مابين ليل البطش .

والقهر الطويل

ابصق على وجه الرجال فقد تراخى عزمُهم

واستبدلوا عز الشعوب بوصمة العجز الذليل

كيف استباح الشرُ أرضك ؟

واستباح العُهر عرضك ؟

واستباح الذئبُ قبرك ؟

واستباحك فى الورىظلمُ الطـُغاةِ الطامعين ؟؟؟

اغضب

إذا شاهدت كـُهَّان العروبة كل محتال تـَخـفـَّى في نفق

ورأيت عاصمة الرشيد رماد ماضٍ يحترق

وتزاحم الكـُهَّان فى الشاشات تجمعهم سيوف من ورق
اغضب

كـَـكـُـلِّ السَّاخطين

اغضب

فإن مدائن الموتى تـَضجُّ الآن بالأحياء .. ماتوا

عندما سقطت خيول الحـُـلم وانسحقت أمام المعتدين

إذا لاحت أمامك صورة الأطفال في بغداد

ماتوا جائعين

فالأرض لا تنسى صهيل خيولها

حتى ولو غابت سنين

الأرض تـُـنكر كـُـلَّ فرع عاجز

تـُـلقيهِ في صمت تـُـكـفـِّـنـُـه الرياح بلا دموعٍ أو أنين

الأرض تكره كل قلبٍ جاحدٍ

وتحب عـُـشاق الحياة

وكل عزمٍ لا يلين

فالأرض تركع تحت أقدام الشهيد وتنحني

وتـُـقبِّـل الدم الجسور وقد تساقط كالندى

وتسابق الضوءان

ضوء القبر .. في ضوء الجبين

وغداً يكون لنا الخلاص

يكون نصر الله بـُشرى المؤمنين

اغضب

فإن جحافل الشر القديم تـُـطل من خلف السنين

اغضب

ولا تسمع سماسرة الشعوب وباعة الأوهام ..

والمتآمركين

اغضب

فإن بداية الأشياء .. أولها الغضب

ونهاية الأشياء .. آخرها الغضب

والأرض أولى بالغضب

سافرت في كل العصور

وما رأيت .. سوى العجب

شاهدت أقدار الشعوب سيوف عارٍ من خشب

ورأيت حربا بالكلام .. وبالأغاني .. والخـُطب

ورأيت من سرق الشعوب .. ومن تواطأ .. من نهب

ورأيت من باع الضمير .. ومن تآمر .. أو هرب

ورأيت كـُهانا بنوا أمجادهم بين العمالة والكذب

ورأيت من جعلوا الخيانة قـُدس أقداسِ العرب

ورأيت تيجان الصفيح تفوق تيجان الذهب

ورأيت نور محمد يخبو أمام أبى لهب

فاغضب فإن الأرض يـُحييها الغضب

اغضب

ولا تُسمع أحد

قالوا بأن الأرض شاخت .. أجدبت

منذ استراح العجز في أحشائها .. نامت ولم تُنجب ولد

قالوا بأن الله خاصمها

وأن رجالها خانوا الأمانة

واستباحوا كل عهد

الأرض تحمل .. فاتركوها الآن غاضبة

ففي أحشائها .. سُخط تجاوز كل حد

تـُخفى آساها عن عيون الناس تـُنكر عجزها

لا تأمنن لسخط بركان خمد لو أجهضوها ألف عامٍ

سوف يولد من ثراها كل يومٍ ألف غد

اغضب

ولا تُسمع أحدأ

سمع أنين الأرض حين تضم في أحشائها عطر الجسد

أ سمع ضميرك حين يطويك الظلام .. وكل شئ

في الجوانح قد همد

والنائمون على العروش فحيح طاغوت تجبّر .. واستبد

لم يبق غير الموت

إما أن تموت فداء أرضك

أو تـُباع لأي وغد

مت في ثراها

إن للأوطان سراً ليس يعرفه أحدفاروق جويدة