مهما نبعد أو نتوه
جوانا بوصلة ترجعنا
و مهما علينا الليل يطول
في فجر هييجي يفرحنا
و مهما السما تملاها غيوم
شايف شعاع بيطمنا
ليه تيأس .. ليه ؟
ليه تحزن .. ليه ؟
ليه تحزن .. ليه ؟
قوم شوف
النور جواك
ليه تستناه براااك ؟؟
فطرة و اتزرعت فينا
احفظها
..
واتحدى هوااااك
...
طب تيجي يللا
..
ايدك في ايدينا..
نزرع أمل .. نبذر إخلاص..
جايز ربك ينفع بينا
..
ولو أحبطوك الناس
قوم قلهم اليأس
قتلته خلاااااص !
و مهما نبعد أو نتوه
جوانا بوصلة ترجعنا
و مهما علينا الليل يطول
في فجر هييجي يفرحنا
و مهما السما تملاها غيوم
شايف شعاع بيطمنا
لو بيننا إيه ..
مصر تلمنا
لو كنا إيه ..
مصر حبنا
مستقبل مين
بس يهمنا
من غير وطن
زي مصرنا ؟!!
ليه تيأس ليه ؟
ليه تحزن ليه ؟
لو بس نتوب
ناخد بإيد نفسنا
نهجر الذنوب
أبواب كتير هتفتحلنا
ارفع إيدك و ادعيه
و اوعاك تشك فيه
قلبك دا بين إيديه
و ف غمضة عين هينصرنا
ليه تيأس ليه ؟
ليه تحزن ليه ؟
================================================================================================================================================
فين البراءة فين ..
فين النقاء فين ..
النفوس اتلوثت ..
والقلوب الصافية اتغيرت ..
اتبدلت .. اتخنقت ..
خنقها الدخان ..
وكل ذكرى حلوة ..
كانت زمان ..
كانت وكان الحلم بالأمان ..
ليه يادنيا ؟
كل حاجة حلوة كانت زمان ..
ليه الألم .. ليه الندم ..
ليه اتبخر السلام ..
ليه الجامعة بقت فرقة وخصام ..
وسيجار أمريكي يعمل أزمة ..
وتضيع القضية وسط الدخان ..
ونضيع أنا وانت وهي ..
نضيع وسط الضباب ..
وكان الأمل في الجامعة ..
لقيناها فرقة جوا قلوب مصدية ..
وعذابات شعوب تفضل زي ما هي ..
وزعماء صلاحيتها منتهية ..
تحكمنا من غير ديمقراطية ..
ونعيش كلنا بكرامة ملغية ..
نعيش وسط الرماد جوانا بركان ..
نفسنا نحطم الحدود نتخطى المكان ..
نساعد أطفال فلسطين والضفة والجولان ..
والناس في وادي والزعماء في فرقة وخصام ..
خلينا نحلم ببكرة ..
نحلم بفارس الفرسان ..
ييجي شايل حلمنا فوق حصان ..
ييجي يحرر أرضنا ..
من الأمريكان ..
مادام الواقع مر ..
خلينا نحلم كمان وكمان ..
ليست هناك تعليقات:
إرسال تعليق