للخيانة أوجه متعددة

للخيانة أوجه متعددة

- الكذب خيانة. --- خنث الوعد خيانة. --- الخذلان خيانة.

الإهمال خيانة. --- الكيل بمكيالين خيانة. --- الغيبة خيانة.

إفشاء السر خيانة. --- المعايرة بالذنب خيانة. --- الغدر خيانة.

 انتهاك الأمان النفسي خيانة.

لا تخن وإن كان كل ما حولك يدعوك للخيانة.

اللي على البر عوام

- جربت تحط نفسك مكان الناس..

- جربت مثلاً تتخيل أن كان ممكن تكون مكان طفل من أطفال الشوارع. 

- جربت تتخيل أن كان ممكن أمك تبقى رقاصة مثلاً

 أو أبوك حرامى أو أخوك بلطجي.

- جربت تكون بياع مناديل في الإشارات أو بياع درة في الحارات.

- جربت تعيش في العشوائيات أو مساكن الإيواء،

 أو حتى في أوضة تحت السلم أو في عشة فوق سطوح.

- جربت تبيع حاجات باتنين و نص وفجأة المرافق تيجي تشيل كل

 حاجة وتسيبك كده ضايع.

جرب كده..


وقتها هتعذرهم وهتحاول تساعدهم.

بدل ما تعين نفسك قاضي وجلاد عليهم. 

واحمد ربنا على البيئة

الكويسة اللي طلعت منها لأن محدش بيختار نشأته.

أوقات كتير المجتمع هو اللي بيخلق المجرمين.

على فين يا مصر

هو اللي بيقطع الكهربا مابيفكرش أن في أجهزة ممكن تتحرق.

- مابيفكرش أن ممكن واحدة تبقى ماشية في الشارع بالليل لوحدها

 وفجأة تلاقي الدنيا بقت سودا ويا عالم إيه اللي ممكن يحصلها.

- ما بيفكرش أن ممكن طفل ماشي في الشارع ويقع في أي بلاعة مفتوحة.

- مابيفكرش في ناس شغلها بيقف بالساعات.

- مابيفكرش في حد يكون في أسانسير ووارد أنه يتخنق

 أو لو عنده فوبيا الظلام والأماكن المغلقة إيه ممكن يحصله!

- مابيفكرش يحل الأزمة علشان لما الصيف ييجي الناس تقدر تعيش

- مابيفكرش في حاجة خالص كده!!

(ولو حتى تضيفوا شموع على بطاقات التموين)

أعتقد أن كلمة "نورت مصر" أو "يا دي النور" أو "منورين" وغيرها من عبارات الترحيب الشهيرة لم يعد لها مكان في قاموس الترحيب المصري وإلا أصبحت سبة
فتخيل أن تقولها لأحدهم ثم قبل انتهائك منها تجد نفسك مع الضيف في ظلام!
حتما سيشعر بمعنى عكسي تماما لما قلته وأنك بداخلك تشعر أنه حتما "نحس"