مراجعات
هي بعض الافكار الخاطئة التي كنت اعتنقها قديما وربما
حديثا ...
ولكنها تغيرت ..
-1-
الناس يا ابيض يا اسود ...
و الدنيا علمتني ان كلنا رمادي بدرجاته
-2-
اللي كان مضيعنا عدم وجود علماء طبيعة و طب و خلافه و ان علماء
الدين هم الحاجة الوحيدة الكويسة وعندنا منها وفرة ....
و الواقع علمني ان علماء الدين او خلينا نقول عليهم علماء
السلطان هم احد الاسباب في اللي شعوبنا بتعاني منه ...
-3-
لازم نتعايش و نستوعب الاخر و حاول ما تخسرش اي انسان والكلام
الفاقع ده ... بس طلع ان في ناس لو تعايشت معاها و كسبتها .. هتخسر نفسك
...
-4-
ان الواحد يجتهد وقد يخطئ فنسامحه ...
بس
طلع في اخطاء تمنها ارواح ناس ... فمينفعش فيها التسامح ... و التسامح اقصد بيه
المغفرة والنسيان .... لازم المحاسبة و لكن في الوقت المناسب ( يعني مش وقت الازمة
)
اكيد لو حد ساب شمعة والبيت بيولع هنحاول نطفي الحريق و
بعدين نحاسب المخطئ مش العكس !
-5-
كنت انظر لبعض الاشخاص ... و اقول كم هم واثقين و ثابتين ...
يارب اجعلني زيهم ...
دلوقتي شايفة ان ده اغترار و ليس ثقة لانهم ماكانوش
بياخدوا بالاسباب صح و ده ماكانش باين !!
-6-
مش كل اهل الذكر على صواب ... لأن البعض اصابته لوثة عقلية
... فيجب التحقق جيدا من اهل الذكر قبل سؤالهم او اتباعهم ... قبل ان نتبرأ منهم و
يتبرأوا منا !!
- - - - - -
دمتم بخير حال
ليست هناك تعليقات:
إرسال تعليق